今天是:

རེས་མོའི་གསར་འགྱུར།

ཀྲུང་དབྱང་གསུང་སྙན།

མདུན་ཤོག > རེས་མོའི་གསར་འགྱུར། > ཀྲུང་དབྱང་གསུང་སྙན།

༄༅།། སྐོར་ཞིབ་ཕྱིར་ལྡོག་བསམ་འཆར་སྒྲིག་བཅོས་བྱ་བའི་གྲོས་ཚོགས་ཚོགས་པ།

      ཟླ5བའི་ཚེས9ཉིན་ལ།ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲའོ་ལིན་ཡུན་གྱི་གཙོ་འགན་ཁུར་ཏེ་ཁུལ་ཨུ་དང་ཁུལ་སྲིད་གཞུང་གི་འགོ་ཁྲིད་གཙོ་བོའི་དཔལ་འབྱོར་འགན་འཁྲི་དང་རང་བྱུང་ཐོན་ཁུངས་རྒྱུ་ནོར་འགན་བྲལ(འགན་ཁུར་ཡུན)གྱི་རྩིས་བཤེར་ཕྱིར་ལྡོག་གནད་དོན་དང་ཀྲུང་དབྱང་དབུལ་ཐར་མཁྲེགས་གཏོར་ཆེད་དོན་སྐོར་ཞིབ་ཕྱིར་ལྡོག་བསམ་འཆར་སྒྲིག་བཅོས་བྱ་བའི་བཀོད་གཏོང་གྲོས་ཚོགས་བསྡུས།
     ཁུལ་ཨུའི་རྒྱུན་ཨུའམ་ཁུལ་དཔོན་གཞོན་པ་ལིའུ་ཧྥུན།ཁུལ་དཔོན་གཞོན་པ་ནམ་མཁའ་སངས་རྒྱས་དང་ལིའུ་ཡུང་ཀོཝང་ཧྥང་དང་དེ་མིན་ཁུལ་ཨུ་དང་ཁུལ་སྲིད་གཞུང་གི་ཁ་གཏད་དྲུང་ཡིག་ཆེན་མོ་གཞོན་པ།རྫོང་སོ་སོ་དང་གྲོང་ཁྱེར་སྲིད་གཞུང་གི་འགན་ཁུར་བ་གཙོ་བོ།ཁུལ་སྲིད་གཞུང་གི་འབྲེལ་ཡོད་འགན་ཁུར་བ་གཙོ་བོ་དག་གྲོས་ཚོགས་སུ་ཞུགས།
ཚོགས་ཐོག་ཏུ་ཀྲའོ་ལིན་ཡུན་གྱིས་ཞིང་ཆེན་དང་ཁུལ་གྱི་རྩིས་བཤེར་སྒྲིག་བཅོས་བྱ་བའི་འབྲེལ་ཡོད་གྲོས་ཚོགས་ཀྱི་དགོངས་དོན་བརྒྱུད་བསྒྲགས་བྱས་པ་དང་།ཁུལ་རྩིས་བཤེར་ཅུས་ཀྱི་འགན་ཁུར་བས་རང་ཁུལ་གྱི་དཔལ་འབྱོར་འགན་འཁྲི་རྩིས་བཤེར་ཕྱིར་ལྡོག་གནད་དོན་སྒྲིག་བཅོས་བྱ་བའི་གནས་ཚུལ་བརྡ་ཁྱབ་བཏང་།ཁུལ་རང་བྱུང་ཐོན་ཁུངས་ཅུས་ཀྱི་འགན་ཁུར་བས་རང་ཁུལ་གྱི་རང་བྱུང་ཐོན་ཁུངས་རྒྱུ་ནོར་འགན་བྲལ(འགན་ཁུར་ཡུན)གྱི་རྩིས་བཤེར་ཕྱིར་ལྡོག་ གནད་དོན་སྒྲིག་བཅོས་བྱ་བའི་གནས་ཚུལ་བརྡ་ཁྱབ་བཏང་།ཁུལ་སྒྲིག་བཅོས་གཞུང་སྒྲུབ་ཁང་གི་འགན་ཁུར་བས་ཀྲུང་དབྱང་གི་དབུལ་ཐར་མཁྲེགས་གཏོར་ཆེད་དོན་སྐོར་ཞིབ་ཕྱིར་ལྡོག་གནད་དོན་སྒྲིག་བཅོས་བྱ་བའི་གནས་ཚུལ་བརྡ་ཁྱབ་བཏང་བ་དང་།རྫོང་སོ་སོ་དང་གྲོང་ཁྱེར་སྲིད་གཞུང་གི་འགན་ཁུར་བ་གཙོ་བོ་དག་གིས་རྫོང་བདུན་དང་གྲོང་ཁྱེར་གཅིག་གི་སྒྲིག་བཅོས་བྱ་བའི་གནས་ཚུལ་ཡར་ཞུ་བྱས།ཁུལ་ནོར་སྲིད་དང་ཁུལ་སྐྱེ་ཁམས་ཁོར་ཡུག་ཅུས།ཁུལ་འགྲིམ་འགྲུལ་སྐྱེལ་འདྲེན་ཅུས། ཁུལ་ཆུ་དོན་ཅུས། ཁུལ་མཁོ་བསྟུན་དོ་དམ་ཅུས་ཀྱི་འགན་ཁུར་བ་གཙོ་བོ་དག་གིས་འབྲེལ་ཡོད“བཤེར་གཉིས”གྱི་སྒྲིག་བཅོས་བྱ་བའི་གནས་ཚུལ་ཡར་ཞུ་བྱས།
     ཀྲའོ་ལིན་ཡུན་གྱིས་དཔལ་འབྱོར་འགན་འཁྲི་དང་རང་བྱུང་ཐོན་ཁུངས་རྒྱུ་ནོར་འགན་བྲལ(འགན་ཁུར་ཡུན)གྱི་རྩིས་བཤེར་དང་ཀྲུང་དབྱང་གི་དབུལ་ཐར་མཁྲེགས་གཏོར་ཆེད་དོན་སྐོར་ཞིབ་ཕྱིར་ལྡོག་བསམ་འཆར་སྒྲིག་བཅོས་བྱ་བ་ནི་འབྲེལ་ཡོད་བྱ་བར་སྐུལ་བའི་གལ་ཆེའི་ལམ་ལུགས་གསར་གཏོད་བྱས་པ་ཡིན་ལ།ཁོར་ཡུག་སྲུང་སྐྱོང་གི་གནད་དོན་ཐག་གཅོད་བྱེད་པའི་བྱ་ཐབས་གལ་ཆེན་ཡིན་པ་དང་།དཔལ་འབྱོར་སྤྱི་ཚོགས་རྒྱུན་མཐུད་ངང་འཕེལ་རྒྱས་སུ་གཏོང་བར་སྐུལ་བའི་དགོས་ངེས་བླང་བྱ་ཡིན་པ་མ་ཟད་དབུལ་ཐར་མཁྲེགས་གཏོར་གྱི་འཐབ་མོར་རྒྱལ་ཁ་ལེན་པའི་བྱ་ཐབས་གལ་ཆེན་ཡིན་ཞེས་བསྟན།
     ཀྲའོ་ལིན་ཡུན་གྱིས་ཁུལ་ཨུའི་གཞུང་སྒྲུབ་ཁང་དང་ཁུལ་སྲིད་གཞུང་གི་གཞུང་སྒྲུབ་ཁང་།ཁུལ་ཨུ་དང་ཁུལ་སྲིད་གཞུང་ལྟ་བཤེར་ཁང་གིས་སྒྲིག་བཅོས་བྱ་བའི་བརྒྱུད་རིམ་ཡོངས་ལ་སེམས་ཁུར་བྱེད་པ་དང་སྒྲིག་བཤེར་ལྟ་ཞིབ་སྡེ་ཁག་གིས་ལྟ་སྐུལ་ཞིབ་བཤེར་བྱེད་པར་གཞོགས་འདེགས་བྱས་ནས་འཕེལ་རྒྱས་དང་སྲུང་སྐྱོང་གི་འབྲེལ་བ་དངོས་གནས་ཐག་གཅོད་པ། མཉམ་དུ་ཤུགས་བཏོན་ནས་མཁྲེགས་གཏོར་བྱ་བ་སྒྲུབ་པ། ཞིང་ཆེན་དང་ཁུལ། རྫོང་བཅས་རིམ་པ་སོ་སོའི་སྡེ་ཁག་ལ་གཞོགས་འདེགས་བྱས་ནས་ཁྲིམས་དང་སྒྲིག་སྲོལ་ལྟར་ཚད་གཞི་མཐོན་པོའི་སྒོས་སྒྲིག་བཅོས་བྱ་བ་ལེགས་པར་བསྒྲུབས་ནས་རང་ཁུལ་གྱི་སྒྲིག་བཅོས་བྱ་བའི་ལས་འགན་སོ་སོ་སྤུས་ཚད་མཐོ་བའི་སྒོ་ནས་ལེགས་སྒྲུབ་བྱེད་པ་ཁག་ཐེག་བྱ་དགོས་ཞེས་ནན་གྱིས་བསྟན།།  མདོ་ལྷོ་དྲ་བ་ནས།


©༢༠༡༧ཀན་ལྷོའི་ཏང་གི་འཛུགས་སྐྲུན་དྲ་བ། ཀྲུང་གུང་ཀན་ལྷོ་ཁུལ་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པས་པར་དབང་འདི་གར་དབང་།

སྡོད་གནས། ཀན་ལྷོ་ཁུལ་ཨུའི་གཅིག་གྱུར་གཞུང་ལས་ཐོག་ཁང་གི་དྲུག་ཐོག ཁ་པར། ༠༩༤༡--༨༢༢༢༡༥༩ སྦྲག་ཨང་། ༧༤༧༠༠༠

དྲ་ངོས་རྡེབ་ཚད།མི་ཐེངས། དྲ་ངོས་སྒྲིག་བཟོ། ཧུང་ཏེན་དྲ་རྒྱ།

甘公網安備 62300102000044號

qq网球比分直播