今天是:

རེས་མོའི་གསར་འགྱུར།

ཀྲུང་དབྱང་གསུང་སྙན།

མདུན་ཤོག > རེས་མོའི་གསར་འགྱུར། > ཀྲུང་དབྱང་གསུང་སྙན།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡིས་གྲོས་ཚོགས་བསྡུས་པ་དང་ཞི་ཅིན་ཕིང་གིས་གྲོས་ཚོགས་ལ་འགོ་འཛིན་མཛད།

        ཟླ༥པའི༡༣ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡིས་གྲོས་ཚོགས་བསྡུས་ཏེ།ད་ལོའི་ཟླ་དྲུག་པ་ནས་བཟུང་ ཏང་ཡོངས་ཀྱི་གོང་འོག་ཀུན་ཏུ་སྐོར་གཉིས་བགོས་ནས་ཐོག་མའི་སེམས་འདུན་མི་བརྗེད་པར་འགན་འཁྲི་ཡིད་ལ་དམ་པོར་བཅངས་པ་བརྗོད་དོན་གཙོ་བོ་ཡིན་པའི་སློབ་གསོ་སྤེལ་རྒྱུ་ཐག་བཅད།ཚོགས་ཐོག་ནས་འབྲི་ཆུའི་ཟུར་གསུམ་གླིང་ཕྲན་ཁུལ་ཁོངས་གཞི་གཅིག་ཅན་གྱི་འཕེལ་རྒྱས་འཆར་འགོད་རྩ་གནད་ལ་གྲོས་ཞིབ་བྱས།ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གྲོས་ཚོགས་ལ་འགོ་འཛིན་མཛད།
        ཚོགས་ཐོག་ནས་བསྟན་དོན།ཏང་གི་ཚོགས་ཆེན་ཐེངས་བཅུ་དགུ་པའི་བཀོད་སྒྲིག་ལྟར།རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ལས་བྱེད་པ་གཙོར་བཟུང་སྟེ་ཏང་ཡོངས་སུ་ཐོག་མའི་སེམས་འདུན་མི་བརྗེད་པར་འགན་འཁྲི་ཡིད་ལ་དམ་པོར་བཅངས་པ་བརྗོད་དོན་གཙོ་བོ་ཡིན་པའི་སློབ་གསོ་སྤེལ་ཏེ།ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་དང་ཏང་གི་ཚོགས་ཆེན་ཐེངས་བཅུ་དགུ་བའི་དགོངས་དོན་གྱིས་ཀླད་པར་དྲག་ཆས་སྤྲས་པ་དང་ལག་ལེན་ལ་མཛུབ་སྟོན་བྱེད་པ།བྱ་བར་སྐུལ་འདེད་བཏང་ནས་ཏང་ཡོངས་ཀྱིས་སྔར་ལས་རང་རྟོགས་སྒོས་དུས་རབས་གསར་བའི་ཏང་གི་ལོ་རྒྱུས་འགན་འཁྲི་དང་ལེན་བྱེད་པར་འབད་བརྩོན་ལྷོད་མེད་བྱེད་དགོས་ཟེར།
        ཚོགས་ཐོག་ནས་བསྟན་དོན།འབྲི་ཆུའི་ཟུར་གསུམ་གླིང་ཕྲན་གྱི་གཞི་གཅིག་ཅན་གྱི་འཕེལ་རྒྱས་དེ་རྒྱལ་ཁབ་འཐབ་ཇུས་སུ་མཐོར་འདེགས་གཏོང་རྒྱུ་ནི་ཏང་ཀྲུང་དབྱང་གི་གཏན་འཁེལ་བྱས་པའི་ཐབས་ཇུས་བཀོད་སྒྲིག་ཡིན། བརྟན་འཇགས་ཁྲོད་ནས་འཕེལ་རྒྱས་བརྩོན་ལེན་བྱེད་རྒྱུ་རྒྱུན་འཁྱོངས་བྱེད་པ་དང་གནད་དོན་ཁྲིད་ཕྱོགས་རྒྱུན་འཁྱོངས་བྱས་ནས་གནད་ཆེ་ས་དང་གནད་འགག་དམ་འཛིན་བྱེད་དགོས།གཞི་གཅིག་ཅན་གྱི་འདུ་ཤེས་དང་བསམ་བཀོད་གཅིག་གི་བསམ་བློ་འཛུགས་པ་དང་ཁྱབ་ཁོངས་གཙོ་བོའི་གཞི་གཅིག་ཅན་གྱི་འཛུགས་སྐྲུན་ལ་སྐུལ་འདེད་གཏོང་བ། གསར་སྐྲུན་འདེད་སྐུལ་ནུས་པ་ཇེ་ཆེར་གཏོང་བ།དེང་རབས་ཅན་གྱི་དཔལ་འབྱོར་མ་ལག་འཛུགས་སྐྲུན་བྱས་ནས་ཐོན་ལས་འབྲེལ་མཐུད་ཆུ་ཚད་ཇེ་མཐོར་གཏོང་དགོས།ནུས་པ་ལྡན་ཞིང་གོ་རིམ་ཡོད་པ་དང་ཕན་འབྲས་ལྡན་པའི་སྒོ་ནས་བྱ་བ་བསྒྲུབ་པ་དང་། གཅིག་གྱུར་སྒོས་འཆར་འགོད་དང་མཐུན་སྦྱོར་བྱེད་པ་དང་དངོས་འབེབས་བྱ་བ་དམ་འཛིན་བྱས་ཏེ། འཆར་འགོད་རྩ་གནད་ལས་གཏན་འཁེལ་བྱས་པའི་ལས་འགན་སྣ་ཚོགས་དངོས་འབེབས་བྱེད་པ་དང་འགན་འཁྲིའི་གཙོ་གཞི་གསལ་བོ་བྱེད་དགོས།ཧྲང་ཧེ་དང་ཅང་སུའུ།ཀྲེ་ཅང་།ཨན་ཧོས་བཅས་ཀྱིས་གཞི་གཅིག་ཅན་གྱི་འདུ་ཤེས་ཇེ་དྲག་ཏུ་གཏོང་བ་དང་ཁྱབ་ཁོངས་སོ་སོའི་མཉམ་ལས་ལ་ཤུགས་བསྣན་ནས།ཏན་ཏན་ཏིག་ཏིག་སྒོས་འབྲི་ཆུའི་ཟུར་གསུམ་གླིང་ཕྲན་གྱི་གཞི་གཅིག་ཅན་གྱི་འཕེལ་རྒྱས་ལ་སྐུལ་འདེད་གཏོང་དགོས་ཟེར། 
ཚོགས་ཐོག་ནས་ད་དུང་དོན་དག་གཞན་དག་ལ་ཞིབ་འཇུག་བྱས།


©༢༠༡༧ཀན་ལྷོའི་ཏང་གི་འཛུགས་སྐྲུན་དྲ་བ། ཀྲུང་གུང་ཀན་ལྷོ་ཁུལ་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པས་པར་དབང་འདི་གར་དབང་།

སྡོད་གནས། ཀན་ལྷོ་ཁུལ་ཨུའི་གཅིག་གྱུར་གཞུང་ལས་ཐོག་ཁང་གི་དྲུག་ཐོག ཁ་པར། ༠༩༤༡--༨༢༢༢༡༥༩ སྦྲག་ཨང་། ༧༤༧༠༠༠

དྲ་ངོས་རྡེབ་ཚད།མི་ཐེངས། དྲ་ངོས་སྒྲིག་བཟོ། ཧུང་ཏེན་དྲ་རྒྱ།

甘公網安備 62300102000044號

qq网球比分直播